Rútan til Akureyrar leggur af stað úr Víkinni klukkan 08:00 í fyrramálið. Þeir sem ætla með í ferðina eru beðnir um að reyna að vera í Víkinni í kringum 07:30 svo hægt sé að leggja tímanlega af stað. Þeir sem hafa skráð sig og greitt fyrir ferðina ganga fyrir í rútuna en þó skal tekið fram að enn eru nokkur sæti laus.

Þessa vikuna stendur yfir kosning stuðningsmanna á leikmanni ársins hjá Víkingi en þetta er í níunda skiptið sem Víkingur.net stendur fyrir þeirri kosningu. Kosningu lýkur á hádegi á morgun þannig við minnum alla á að senda sitt val á vikingurnet@gmail.com með subjectinu "Leikmaður ársins".
meira

Annar flokkur Víkings vann á miðvikudagskvöldið frábæran sigur á Keflavík, 2-1, í B-deildinni. Á sama tíma gerðu Framarar jafntefli gegn sameiginlegu liði Grindavíkur og Njarðvíkur. Það þýðir að Víkingar hafa allt í hendi sér um að komast upp á meðal þeirra bestu, rétt eins og meistaraflokkurinn.
meira

Knattspyrnudeild Víkings og Berserkir standa fyrir rútuferð á leik KA og Víkings á Akureyri næstkomandi laugardag. Eins og flestum ætti að vera kunnugt er leikurinn gríðarlega mikilvægur og gæti jafnvel farið svo að úrslitin í deildinni ráðist í þessum leik. Því er nauðsynlegt fyrir okkur Víkinga að hafa sem flesta stuðningsmenn á svæðinu og tryggja góðan stuðning við Víking í leiknum.
meira

Í níunda skipti stendur Víkingur.net fyrir kosningu á leikmanni ársins að mati stuðningsmanna. Sigurvegarinn fær veglegan farandbikar að launum sem veittur er á lokahófi knattspyrnudeildarinnar. Smelltu á "meira" til að vita hvernig þú átt að bera þig að í kosningunni.
meira

Víkingar eru skrefi nær úrvalsdeildinni eftir sigur á ÍR, 2-1 í Víkinni. Marteinn Briem lagði upp fyrra markið á Helga Sigurðsson og skoraði svo sigurmarkið sjálfur eftir að ÍR-ingar höfðu jafnað. Víkingar eru því komnir aftur á toppinn en tveir leikir eru eftir af deildinni.
meira

Berserkjakjallarinn opnar klukkan 13:00 á morgun. Aðalsteinn Aðalsteinsson mætir á svæðið og spjallar við stuðningsmenn og þá mun Leifur Garðarsson kynna byrjunarlið okkar Víkinga. Stuðningurinn í þessum leik skiptir vitanlega miklu máli og því viljum við hvetja alla til þess að mæta snemma í kjallarann. Eins og áður hefur komið fram verður frítt á leikinn í boði Grillhússins.

Næsta verkefni Víkings í baráttunni um að komast upp í úrvalsdeildina að ári er leikur gegn ÍR í Víkinni næstkomandi laugardag. Knattspyrnudeild hefur ákveðið að slá upp fjölskyldudegi í Víkinni á laugardaginn og verður boðið upp á hoppukastala og andlitsmálningu og fleira frá klukkan 12:00. Auk þess verður grillið opið en þar verða seldir gæða hamborgarar á bónusprís. Grillhúsið á Sprengisandi sýnir svo þann höfðingskap að bjóða vallargestum frítt á leikinn.
meira